|
| 結 2010年 今年---前半年係會考年,後半年係過渡年... 會考篇: 使人感到恐懼既末代會考終於來臨,作為"末代會考生"既我, 又沒有太過害怕既感覺,盡左力就得啦,心諗"升唔升到中六,個天已經註定左,況且路一直都在!" 就係抱住依一個信念,緊張,擔憂之情通通抱開... 不過最估唔到係,臨考第一科(地理)既時候先黎發燒,WTF!!!! 嗰時真係好驚,好唔開心,連同我好朋友傾電話既心情都冇,收左佢線, 因為我唔知點做,訓覺休息又溫唔哂書,唔訓覺又好難會好番,不過最尾我都係決定休息... 考考考,最後衝刺埋宗教,正式結束會考筆試部份,剩餘既口試唔洗理都得XD 玩玩玩,好快就到左8月4日,我懷着戰戰兢兢既心情回校,自己預期既分數係14-16, 當聽到一個又一個"淪陷"既消息,心諗"我一定要升到中六!!!一定要!!!"... 收到成績單後,開心到跳起,升到中六不特止,比預期仲高左5分,19分... 喜出望外既係,中史竟然有條A,完全完全冇諗過會有A,用黎寸人XD 問心,自己唔係溫得好熟書,冇一條心放哂落會考度,得到依個成績,真係恩典!!! KYC,9月見!!! 中六篇: 升左中六已經4個月了,感覺除左課程既轉變外,大致一律如常... 雖然走左唔少好朋友,E.G紅腸,籮霸,KATHERINE等等,加上要同隔離5B既同學共處一室學習, 但每日都係照舊傻下傻下,得閒講下爛GAG咁上堂... 說真的,5A同5B既同學好明顯不太夾,不過希望隨住時間既洗禮, 能夠使大家更為融洽,更為協調,更為團結!!! o係依幾個月,嘗試左不少第一次,第一次參加"班際演講比賽",第一次參加"班際閃避球比賽"etc... 無論是自願還是強迫,我是享受的!!! 做左副社長,為的不是滔什麼光,博什麼信任,而是更享受校園生活同埋提高責任感, 接觸不同年級的同學,低至中一,高至中七,打成一片,這正是做副社長最大既得著... 再者,認識左不少新朋友,包括沛聰弟,"高比拜仁",張志蓮等等, 雖然唔稱得上好fd,但能夠擴闊自己生活圈子... 剩番不足年半既時間,就要結束七年中學多姿多采既生涯,我在救恩歡樂過,哭泣過,擔憂過, 乜鬼野都差唔多試過,要走...真係捨不得!!! 故此黎緊既時間,我必須調整自己,抓緊時光,留下最美好既回憶比自己, 盡量唔會比自己留有遺憾既機會,加油!!! 旅行篇: 今個暑假去左兩處地方:台北與泰國.可謂眼界大開!!! 雖然不是第一次去旅行,卻是第一次唔係同屋企人,而係與朋友們同行... 目的地:台北 話哂第一次,第一日真係有d掛住屋企人,唔係太訓得着... 去左九份,101,西門町等地方,最有印象既係個導遊---小尾,風趣幽默,口水多過海水,好埋到我地堆... 不過我地四個多數都唔聽佢講野,訓覺算 著名既豪大大雞排,柯仔煎,白肉苦瓜汁好多野都試過,爽!!! 本人既嗜好1.食…2.訓 黎台灣第一日唔捨得香港,離開台灣嗰日唔捨得台灣!!! 相比起台灣,我就覺得泰國好玩d,不過台灣好野食好多... 第一次玩降落傘,第一次騎大笨象,第一次餵鯊魚,第一次lunch係食魚翅燕窩, 而且好多費用都係親戚俾,真係多謝哂!!! o係我地享受既時間,o係印尼發生左旅遊巴騎劫事件,好恐怖,人心惶惶, 不過唔理咁多,橫掂都去左啦已經,梗係盡情玩啦!!! 講真,夜晚黑既泰國真係幾危險,作為細佬既我,要擔起保護家姐既角色... Anyway,依個暑假眼界真係大開,能夠一個月去兩個地方,乎復何求!!!
其實有好多野都冇打,因為如果打埋需要好耐既時間,所以盡量將d深刻既事件同感受打出黎,,,    
   
   
| | |
| 魔法師的門徒+溜冰
 琴晚經過一番商討,最後決定按原定計劃出發!!! 食lunch with jason and東東,好耐都冇食過M記,俾哂錢先記得原來自己有得coupon, d shake shake粉得番hot and spicy,冇哂最鍾意既蜜糖xx醬,點茄醬食仲好... 等埋誠就出九龍塘AMC,睇1:20分"魔法師的門徒",買大爆谷,汽水,去埋廁所,準備入座!!! 成套電影都唔錯,可能我一向都比較鍾意睇科幻既電影,雖然d橋段冇乜驚喜同特別, 但只有去戲院先有依d效果,o係屋企感受唔到... 如果我係個男主角,真係非常不知所措,出生平平凡凡,但原來係至尊梅倫,肩負重任,拯救世界!!! 睇完大約三點鐘,行下街,去玩具反斗城睇下玩具,然後選擇左溜冰, 對上一次溜冰都要追溯到小五既時候,與家人及親戚,但嗰時只係溜左好短時間, 加上有家人扶住,所以自己獨自溜冰真係第一次!!! 我同誠同東東都唔係好識溜冰,只有jason係熟手技工,雖然仆直左幾次,但感覺良好, 頭嗰一個鐘只係識踩冰,但睇下人示範,終於識溜啦,不過間中仍然有仆直既情況出現... 東東自己跌到不特止,仲要kick到個女仔,好無辜!!! 東東跌左十幾次,搞到d工作人員都認得佢,就黎俾人black list... 隻手同隻腳都擦損左少少,不過最大獲莫過於我部電話壞左,點解我咁失策? 溜冰既時候部電話o係褲袋,所以仆直既時候撞左幾次,搞到依家開唔到機!!! 溜到五點半陪誠食野,then出MK行街,佢地就去睇下籃球用品,都學到小小野架, 逛左一會兒,大家都冇進帳,o係依段時間冇乜講野,因為我對依d冇乜了解,所以唔知講乜... 逛左一會兒,大家都冇乜收獲,於是搭倒頭車番大埔食野,o係一樂食燒味, 然後散band番屋企... 就o係踏入太和村既一剎那,碰到曉盈佢地,o岩o岩同完呂志南慶祝生日, 南,祝你生日快樂,身體健康!!! 於是同埋佢地食糖水,吹下水,依家先黎煩轉科既問題,放榜之前自己又唔諗下, 依家學校都唔知仲比唔比轉科,不過最後一年唔會咁對我掛?! 今日大家既話題都係集中係"14分,但不收"既李國銓,haha!!! 吃完就正式回家... 
| | |
| 5A班會活動---mR Ma's farewell及班會主席生日 kyleung,生日快樂!!!祝你身體健康,開開心心,我會記得你架... 
繼放榜後,5A既同志再次聚手一堂,上次放榜有悲有喜,希望今次全部人都係開開心心!!! 六點一去到名苑以為自己遲到,打俾黎思問佢o係邊,原來約六點三,紅腸失策!!! 不過佢又講得o岩,早到好過遲到... 以為得我一個早到,原來徐c穎,南芬佢地仲早過我,有人陪我,haha!!! 等埋鍾sir,Ms 董,Mr Ma就開始打邊爐,好興幸地今次東慶同周朗然都有黎... 不斷攞丸,肥牛,菜,感覺上d肥牛差左,100蚊任食係咁上下啦... 到左抽獎既環節,非常幸運的抽中左我,獲得迷你FILE一個,好彩唔係漱口水XD 眼見今日大家既胃口都冇乜,無窮無盡既小宇宙唔見左, 好快就食甜品,紅豆沙,茶葉蛋,蕃薯糖水.... 打到九點鐘就閃人,有d去左M記傾計,有d就去唱K,有d就番屋企... 期待十年之後既5A聚會!!! 
| | |
| 義工活動(三) 對上一次與路德會做義工係上月賣旗既活動,出左港島區,成堆人分佈o係條橋度, 我竟然傻得將紙幣入左落硬幣嗰度,搞到成個旗袋唔用得!!! 由九點賣到十一點幾,飲下野食下野就番大埔... 今次既義工活動並唔係賣乜賣物,而係幫手整攤位遊戲, 杰sir佢地今次都俾左相當充足既時間去整個攤位,所以準備都幾夠同埋設計得幾好... 約十點番路德會中心,我十一點先醒,十二點先番到中心,俾人罰左100蚊,救命!!! 以為jacky同tim會遲過我,點知佢地早過我到差唔多成個鐘,haha!!! 一點幾開始落雨,停下落下,諗住應該都唔會太多人黎玩,但事實竟然相反... 兩點個嘉年華開始,我被抽中左上去貼心心,不過係內定架... 落勁大雨,所以個典禮被迫取消左,冇得睇人跳舞同唱歌,冇得娛樂下... 我地個攤位遊戲都幾受歡迎,可能係因為容易玩同容易攞印仔,求其扔中三個格就得, 點都會有印仔,好多婆婆都叫一次俾兩三個佢地,唔俾又唔係幾好意思,大家開心就可以!!! 有幾個細路已經玩左四五次,希望佢地係覺得個game好玩而唔係為左d印仔先黎玩... d女童軍真係好熱心助人,好識分工合作,一個負責維持秩序,一個負責講解,一個負責執波... Ms鄭同佢個女做左模範家庭,學校真係多賢妻良母!!! 活動o係四點半完結,番到中心同杰sir傾番整個活動既流程同自己既感想... 擔起組長依個職責,我覺得自己抱住玩既心態,想學習但自己又唔認真, 理解到自己既能力,有d乜野自己係未應付到,但自己亦都可以嘗試做下,practise make prefect!!! 所以我好應同阿sir講既話,有d人自己有能力做,但唔能夠做到嗰d角色係因為怕,因為冇信心!!! o係我嗰組入面,law ling同jacky係最做得野,亦都係最有領導才能,佢地做組長最適合不過... 傾完之後就玩deal聯賽,最後由tim lai獲勝,但其實我係唔太識玩xdd 六點幾番屋企... | | |
| 潛行凶間 
睇戲with 李証,大包米,kaiting,kawing,好耐都冇同5A既同學出街... o係火車傾下大家既近況,因為放左榜後都冇乜點聯絡,唔知大家既去向, 然後傾下救恩下年既社長人選,俾我揀緊係想中六既同學做,大家溝通都會好d!!! 一點十出到旺角,睇兩點二場,排一條好長既人龍,仲以為會得番好少位,點知仲有五六成座位... 依套戲既劇情真係好迷撲索迷離,後面既情節要諗番前面既情節先會明白, 究竟最尾o係個夢定現實黎呢?!真係睇到頭都大埋!!! 不過成套野好幾刺激,個主題好新鮮,可以o係人地個夢入面偷野,加野又得,haha!!! 睇inception前有harry potter既預告片,好期待11月既來臨!!! 完場就搭車番屋企,因為要出去食飯... 九點打波with monkey,峰,楊易誠,第一次約誠打波,佢二話不說就答應左,yaya!!! 自己既發球變化就多,但開得又唔轉又唔短,搞到成日俾人剔,救命!!!一定要練習多d!!! 陪完峰食野就番屋企... | | |
|
